إزعاج للسياح.. وزير مصري يدعو لمنع الأذان عبر مكبرات الصوت (فيديو)

مرصد مينا

دعا وزير الآثار المصري الأسبق زاهي حواس إلى منع استخدام مكبرات الصوت خلال الأذان بزعم أنه يزعج السياح.

حواس قال في مقابلة تلفزيوينة: “عاجبني إبراهيم عيسى لما اتكلم على موضوع الأذان، ما يتعمل جوه المسجد، وليه 70 أذان؟! أنا مرة نمت في مينا هاوس عندي محاضرة تاني يوم، قمت على صوت الأذان بيقوم السياح اللي قاعدين، مضيفًا: “مفيش في الدين يقول إن يعمل الأصوات دي كلها، إحنا دولة سياحية ولازم نحافظ على راحة السائح، في حاجات لازم نبطلها عشان نجيب السائح”.

وأضاف “حواس”: “ليه الآذان اللي بره الجامع؟! أعمل الأذان اللي جوه، وأي حد متدين ميقولش أزعج الناس، ده إزعاج للناس، أنا عارف ميعاد الصلاة أروح أصلي في الجامع، ده شكوى بيشتكي منها السياح، ومش موجود في أي حتة في الدنيا غير عندنا”.

بحسب حواس “هناك سلوكيات يفعلها بعض المواطنين تسبب في مضايقة السائح، لازم نعمل مادة لطلبة المدارس عن السياحة، عشان يعرفوا يتعاملوا مع السائح، مش ممكن واحدة تبقى ماشية في الشارع بالغردقة وحد يقرصها، أو واحد بتاع بازار يقولك اتفضل ويشدك غصب عنك، أو واحد بتاع تاكسي تمنه 30 جنيه يقولك 50 دولار، ده بيحصل، وعيب”، موضحا أن “الشرطة مش هتقدر تعمل حاجة مع هذه السلوكيات، الموضوع موضوع ثقافة، لازم الشعب يعرف إن كل واحد فيه هو وزير السياحة”.

يشار أن الاعلامي إبراهيم عيسى طالب خلال برنامج تلفزيوني بمنع صوت الأذان بحجة إزعاج السياح قائلا: “تمنع الميكروفون حضرتك.. الميكرفون مش في الإسلام على فكرة”

واستطرد في عبارات أثارت انتقادات حادة تجاهه:”بلال ـ يقصد سيدنا بلال بن رباح مؤذن الرسول صلى الله عليه وسلم ـ مكانش ماسك ميكرفون ولا هو موجود في القرآن والسنة.. دا إزعاج ودي سياحة مش هينفع.”