حفيد حسني مبارك يعيد التذكير بالجاسوس عزام عزام والخلاف مع نتنياهو (فيديو)

مرصد مينا

أعاد عمر علاء مبارك نجل الرئيس المصري الراحل حسني مبارك تداول فيديو لجده يتحدث فيه عن الجاسوس عزام عزام وخلافه مع رئيس الوزراء الاسرائيلي بنيامين نتنياهو..

مبارك وفقا للفيديو قال: “رئيس الوزراء بنيامين نتنياهو عاوزني اشتغل عنده، هو فاهم كدة يعني.. قولتله يا أخي أنا مابشتغلش عندك، أنا مابشتغلش عند حد.. وكلينتون اتصل بيا يجي تلت أو أربع مرات.. وفي يوم واحد اتصل بيا 3 مرات.. علشان اللي اسمه عزام عزام دة”.

وتابع مبارك: “قولتله عزام عزام اية طب ما هو السبب في عزام عزام (نتنياهو).. مخبيش عليكم عزام عزام دة كنا مسكناه، وكنا هنتفاهم معاهم على بعض الحاجات وهنقوله مع السلامة مش مشكلة يعني.. جيه هو في المؤتمر الاقتصادي يقول إن مصر قبضت على واحد واختفت علشان تبوظ علينا المؤتمر الاقتصادي”.

وأضاف مبارك: “قولت يادي النباهة.. مدام أعلنت كدة يا حبيبي للرأي العام ودوده النيابة خلاص.. لما راح النيابة وحققت دخلوه المحكمة.. خلاص مشي بقى مدام وديناه النيابة خلاص مانتدخلش فيه.. راح المحكمة اتخبط حكم.. يضربلي تليفون (نتنياهو) يقولي أنا بقولك دة بريء.. قولتله المحكمة بتقولي مذنب أصدقك ولا أصدق المحكمة أنا عندي بصدق المحكمة.. قام قالي أنا مكلفتوش بحاجة قولتله هندور مين اللي مكلفة.. يمكن أنت أو حد من الخارج بيلعب”.

يشار أن عزام عزام إسرائيلي، أدين في مصر بتهمة التجسس وسجن لثمان سنوات قبل إطلاقه في صفقة سياسية عام 2004. عمل عزام عزام تحت غطاء تجارة النسيج بين إسرائيل وجمهورية مصر العربية، وهو صاحب شركة دلتا دكستايل ايجيت بمدينة نصر. لكنه اعتقل عام 1996 في القاهرة بتهمة التجسس الصناعي، ومن ثم اتهم بكتابة معلومات بالحبر السري على الملابس الداخلية النسائية وتمريرها للموساد الإسرائيلي.